Naglalakad ako kasama ang tatlong kumag na kaibigan ko sa gilid ko. Nag-uusap-usap lang sila ng mga bagay na napansin nila simula nang pumasok kami sa university na ito.
“Alam niyo ba---”
“Hindi pa,” sabay na sabi ng dalawa para putulin ang sasabihin ni Ezekiel. Sumimangot siya sa dalawa.
“Hindi pa kasi ako tapos!” Natawa lang ang dalawa dahil sa nakikita nilang pikon na mukha ni Eze. “Ganito kasi---”
“Pa’no?” putol na naman nila habang may pagpipigil ng tawa.
“P*ta,” tiningnan niya nang masama ang dalawa kaya naman napataas ang mga ito ng kamay na parang sumusuko na. “Naghihintay kasi ako kung may magtatanong kay Jio kahapon tungkol sa pangalan niya. Kaso wala. Ang ganda pa naman ng line niya kapag sasagot na ‘hindi ko alam kung bakit ganyan ang pangalan ko, pakitanong na lang po s
