“IYONG ipinagbubuntis mo noon, nasaan na ang batang iyon, Faith? Gusto ko rin sanang malaman kung totoo ba na kaya ka biglang nawala sa gabing ipapa-DNA test ang anak mo ay dahil natatakot kang malaman namin ang totoo at sumama ka ba talaga sa totoong nakabuntis sa iyo noon?” Nang medyo gumaan na ang pag-uusap nina Debbie at Faith ay nagawa na niyang itanong ang sensitibong tanong na iyon.
“Wala pong katotohanan ang lahat ng iyon. Gaya ng sabi ko kanina, nawala ako dahil pinagtangkaan akong patayin ni Odessa. Tinangka ring sirain ni Odessa noon ang tiwala sa akin ni Benedict. Sa honeymoon namin sa Maldives ay inutusan niya si Lance na gahasain ako para mabuntis ako. Alam niya kasi na walang kakayahan si Benedict na bigyan ako ng anak. Kaya naisip po niya siguro na kapag nabuntis ako
