“J-JENNY?”
“Anong meron? Kaninong bunganga iyong maingay na akala mo ay nakikipagtawaran sa palengke?” Kunwari ay naiiritang tanong ni Faith pero hindi siya nakatingin kay Odessa kundi sa kaniyang mga tauhan.
Nang masulyapan niya ang babae ay kitang-kita niya ang gulat at takot sa mukha nito. Alam niya na hindi nito inaasahan na makikita siya nito dito. Ang akala yata nito ay mananatili siya sa Cebu. Pwes, nagkakamali ito. Ngayong bumalik na ang alaala niya ay hindi niya kayang manatili lang sa Cebu at hayaan sina Odessa at Benedict na magpakasaya lang.
“Ma’am Jenny, siya po iyong nagrereklamo ng music natin.” Itinuro ng isang sales lady sa kaniya si Odessa.
Saka lang siya humarap dito habang walang emosyon ang kaniyang mukha. Nang diretso niyang makita si Odessa ay bumalik sa alaala n
