Mula nang pumasok sa buhay ko si Adler ay marami ng nangyayari. At tila siyang siya ang panahon na ibalik ako nakaraan. Binabalik ang mga pakiramdam at alaalang dapat ay nakabaon na ngunit ngayon ay hinahalukay muli para magkaroon ng kasagutan.
"A-anong ginagawa mo rito?" Gulat kong tanong nang mapagbuksan ng pinto si Adler kinaumagahan.
Dire-diretsong pumasok si Adler kasunod ang limang bodyguards sa likod nito na animo'y kabisado ang pasikot-sikot sa lugar. Sinundan ko sya. Tinungo ni Adler ang kusina kung saan ay ganadong kumakain si Kyzo at hinalikan sa noo. Nagsalin ng tubig si Adler at uminom. Nang ibaba nya ang baso ay matalim nya akong tinitigan at pinunasan ang gilid ng kanyang labi gamit ang hinlalaki.
Tinambol ako ng kaba. Paano nya kami nahanap? May nakakita kaya sa amin nan
