I slowly opened my eyes. Sinubukan kong huminga nang malalim ngunit nahirapan ako dahil sa mabigat na bagay sa ibabaw ng aking dibdib. Kunot noong binaba ko ang tingin at natagpuan ang makapal at maitim na buhok ng isang tao. Inilihis ko ang aking ulo para makita kung sino ang natutulog sa dibdib ko at nakadagan sa aking katawan. Natagpuan ko ang mahimbing na natutulog na si Adler.
Sa loob ng dalawang araw namin dito sa Mexico, namumulatan ko syang natutulog sa dibdib ko at nakayakap. Pinaling ko ang aking mukha sa kabilang bahagi ng kama. Wala na si Kyzo, malamang ay sinasabayan na naman sa pagzuzumba si Madam Sonya sa sala. Inangat ko ang tingin sa bedside table at nanlaki ang mata nang makita ang oras. Agad na ginising ko si Adler.
"Adler, gising na. Mali-late ka na sa work. Gising na
