Hinubad ko lahat ng damit ni Kyzo at itinapat sya sa umaagos na tubig sa shower. Bago magsimula ang araw ni Kyzo ay sinisiguro kong nakaligo na sya dahil nahihirapan akong sawayin kapag napasarap ang paglalaro sa customized small car na ginawa ni Adler para sa kanya, iyon ang nakabalot na bagay sa likod ng pinto na nakita ko noong nakatulog sa library. Sa ilang buwan na pananatili rito sa mansion ay naging masigla si Kyzo at laging bukang bibig kung gaano sya kasaya na makilala ang ama. Sa tingin ko ay ito na ang pinakamagandang regalo na naibigay ko sa kanya, kahit maging bihag ako nang nakaraan.
"Mama." Tawag pansin sa akin ni Kyzo. "Gusto ko po maging si papa."
Kumunot ang noo ko sa narinig. "Bakit naman?"
Tinaas ko ang kilikili nya at sinabunan.
"Gusto ko po may muscle tapos may c
