Sa kabila ng mga nangyari ay sumama pa rin si Kody sa mga magulang sa ilang araw na pag-a-island hopping ng mga ito. Hindi na sumama pa si Samantha kahit ilang beses pa siya pinilit ng lalaki. Hindi naman sa sumama ang loob niya sa mga magulang ng binata, nararamdaman niya lang na mas mag-eenjoy ang mga ito kapag hindi siya kasama . Alam niyang ilang linggo lang ang bakasyon ng mga magulang ng lalaki sa Pilipinas kaya ibibigay niya nalang ang pagkakataon na makapag-sarilinan ang buong pamilya sa ilang araw na pagliliwaliw ng mga ito.
Nagpatuloy ang normal na buhay ni Sam. Sa araw araw na wala si Kody doon ay patuloy siyang pumapasok sa The Crown Hotel. May kakaibang napansin lang siya sa ibang mga kasamahan, mas naging mabait ang mga ito sa kanya, maging ang manager nila na si Madam Grasy
