Nami-miss na ni Chino ang kaniyang mag-ina dahil dalawang lingo na siyang hindi nakakapunta sa bahay ng mga ito. Naging abala kasi siya sa airline dahil an rin sa kulang sila ng piloto ngayon, idagdag mo pang peak season ngayon kaya maraming bumabiyahe.
Mabuti na lang at may video call kung saan puwede niyang makausap ang kaniyang anak at masilayan si Althea. Hindi man nakikipagkuwentuhan ito sa kaniya, at least hindi na ito umiiwas sa kaniya. Medyo naninibago pa nga siya rito, pero masayang-masaya naman siyang kahit papaano ay pinapakiharapan na siya nito nang maayos.
“How’s my big guy?” magilaiw niyang tanong kay Paulo habang kausap ito sa video call.
“Okay naman po Daddy, hindi na masakit iyong sugat ko, konti na lang,” nakangising sagot nito sa kaniya na ikinatawa naman niya.
“Wo
