“Oh, mag-iiyakan na lang ba tayo rito?” maya-maya’y untag ng kuya ni Althea sa mga magulang ng mga ito, na hanggang ngayon ay hindi pa rin maawat sa kaiiyak ang mga ito.
“Oo nga mga family, baka lumamig ang mga lafang!” segunda naman ni Georgina. Nagkatawanan naman sila sa sinabing iyon ni Georgina sa kanila. Maya-maya naman ay biglang nagsalita ang isang batang tingin niya’y anak ng kuya ni Althea.
“Hindi pa po ba tayo kakain? Nagugutom na po kasi ako eh,” tanong nito sa kanila. Muli naman silang natawa sa itinurang iyon ng bata.
“Kakain na tayo baby,” nakangiting tugon naman ni Althea sa bata, saka ito sumulyap sa mga magulang nito. “Ma, Pa, kumain na ho muna tayo. Masyado na ho tayong nagiging madrama eh,” natatawang turan pa nito sa mga ito.
“Oo nga, pasensiya na kayo sa amin,” h
