“Ako lang ang nagmamay-ari kay Marcos! Ako lang ang may karapatan sa kaniya. At ikaw, umalis ka na! Sana mamatay ka kasama ng bastardo mong anak?”
Sa sobrang galit ni Savanna ay kinuha niya ang kape at pinanligo kay Vanessa.
“Ayan, Vanessa. Para magising ka sa katotohanang ikaw ang walang karapatan! Maghintay ka lang, nag-uumpisa pa lang ako!” bulalas niya nang may matatalim na tingin. “Mag-ipon ka ng lakas dahil baka sa susunod na paniningil ko ay hindi mo na kakayanin.”
Kinuha niya na ang kaniyang handbag saka tuluyang umalis. Naiwan si Vanessa na basang-basa at nanlalagkit sa kape habang hindi matigil sa pagsigaw.
“Hayop ka, Savanna! hayop ka! Papatayin kita! Isusunod kita sa ama mo! Humanda ka sa akin! Paharang-harang ka sa dinadaanan ko kaya kikitilan ko na ang buhay mo! Akin ang
