“ANONG gagawin natin dito?” nagtatakang tanong ni Raiden nang lapitan niya si Joshua pagkalabas niya ng kanyang sasakyan.
Nakatayo sila ngayon sa harap ng isang flowers shop.
“Ano pa nga ba? Siyempre, bibili ng bulaklak. Alangan namang bumili tayo ng alak diyan sa loob,” sarkastikong sagot ni Joshua.
“Aanhin naman natin ang bulaklak?”
Napakamot ng kanyang ulo si Joshua. “Nasubukan mo na bang nanligaw, bro. O baka naman iba ang ibinibigay mo sa mga babaeng nakukursunadahan mo?”
“Ah, walang gano’n, bro. Kapag may natipuhan akong babae, diresto na kami ng hotel o kaya ay doon sa sasakyan ko,” nakangising sagot ni Raiden.
Pinanlakihan siya ng mata ni Joshua. “Lintik ka, bro. Hindi ka pala nanliligaw. One night stand lang pala ang pinaggagawa mo. Paano mo ngayon mapapasagot si Sasha kung
