KABANATA 19
"Mga Mata sa Dilim"
Pagdating nina Chase at Emma sa event, agad na napansin ni Emma ang matataas na personalidad sa paligid. Hindi ito basta simpleng pagtitipon—isa itong gala para sa mga business tycoon at investors. Ang bawat tao sa loob ng ballroom ay may koneksyon sa mundo ng negosyo.
Napahigpit ang hawak ni Chase sa bewang ni Emma nang mapansing may ilang kalalakihan na agad lumingon sa kanya. Nasanay na si Emma sa atensyon, pero hindi niya maiwasang makaramdam ng kaba sa paraan ng pagtitig ng ilan sa kanila—parang sinusuri siya.
"Relax," bulong ni Chase sa tenga niya. "You're the most beautiful woman here tonight."
Napalunok si Emma. Sanay siya sa mga banat ni Chase, pero bakit ngayong gabi ay parang iba ang dating nito sa kanya?
Habang naglalakad sila papasok, may
