SUMANDAL si Maurice sa mga balikat ni Julius habang magkatabi silang nakaupo sa buhanginan. Walang imik pa rin si Julius pero hinayaan lang siya nitong sumandal. Dinama niya ang init na kumukonekta sa pagitan nilang dalawa habang dumadampi at nanonoot ang malamig na hangin sa kanilang balat.
Napapikit si Maurice ng mga sandaling iyon. Hulog na hulog na ang loob niya kay Julius. Ngayon lang niya ito naramdaman at si Julius ang unang nagpatibok ng kaniyang puso.
"Alam kong galit ka sa akin pero papatunayan ko sa iyo na ibang-iba ako, Julius. Hindi ko sisirain ang pamilya ng Ninong mo at pangako ko iyan sa'yo!" Itinaas ni Maurice ang isang kamay habang nakasandal pa rin sa balikat ni Julius.
Napalingon naman si Julius sa kaniya at nagtama ang kanilang mga matatangos na ilong. Napakagat-la
