Lakad takbo ang ginawa ko pagkababa ko ng sasakyan. Hinatid ako ni Ate dahil bukod sa madami siyang tanong sa akin ay nag-aalala rin siya sa anak ko. Hindi ko na inalam pa kung anong reaksiyon nila Papa sa nalaman. Basta ang 0alam ko kailangang makita ko si Nari at malaman kung ayos lang siya. Dahil isipin palang nasasaktan ito ay parang dinudurog na ang puso ko.
"Ali, slowdown please!" Narinig ko ang sinabi ni Ate pero tuloy-tuloy pa rin ako. Dahil kahit gustohin ko mang kumalma ay hindi ko magawa. Parang may humahawak sa puso ko at dahan-dahan akong pinapatay. Ang tagal pang bumaba at umakyat ng elevator kung hindi lang nasa ika-sampung palapag ang kwarto nito ay kanina pa ako naghagdan.
"Ali!"
Sabay-sabay na tumayo ang tatlo ng makita ako. Halos puro mga pasa ang mukha nila dahil
