"TANDAAN mo lahat ng sinabi ko sa iyo para hindi tayo magkaroon ng problema, ha." Minsan pa ay sabi ni Lucero.
Nais nang umikot ng mga mata ni Zia sa paulit-ulit na habilin ng binata, mula pa kaninang pumayag ito na isama siya sa kinaroroonan ni Lucian. Halos makabisado niya na nga ang mga sinasabi nito.
"Yes, your highness." Pabirong sagot niya rito na umani ng masamang tingin mula sa lalaki. Pigil ang ngiti na nagyuko na lamang ng ulo si Zia.
Mabilis ang mga hakbang ni Lucero habang papasok sila sa Lucifer Condominium. Ayon dito, ay doon daw sila dadaan pababa ng kaharian ng ama nito.
Noong una ay nanlalaki ang mga mata at hindi makapaniwala ang dalaga sa sinabi nito.
Akalain mo ba iyon? Mayroong hotel dito sa mundo na mayroong access patungo ng impiyerno? Walang kamalay-malay ang m
