MULA pagkabata ay hindi naman inilihim ng mga kinikilalang magulang ni Zia na ampon siya. Na inampon siya ng mga ito, sa isang maliit na bayan ng Sta. Monica.
Ayon sa mommy niya ay namatay ang kanyang ina, limang taong gulang pa lamang siya, kaya't inilagak siya sa isang bahay ampunan, matapos itong mailibing. At doon nga siya nakita ng mag-asawa, na nang mga panahon na iyon ay naghahanap ng batang aampunin at palalakihin bilang anak ng mga ito. Wala na raw kasing kakayahan ang kanyang mommy na magbuntis, sapagkat tinanggalan na raw ito ng matres, dahil sa isang aksidente. Kaya't napagpasyahan na lamang nilang mag-asawa na mag-ampon ng anak na aarugain, at palalakihin na parang tunay na anak.
Hindi rin naman inilihim sa kanya ng mga kinikilalang mga magulang ang kanyang pinagmulan. Sa ka
