PARANG alam na ni Zia kung ano ang pakiramdam ni Eba noong tinutukso ito ni Lucifer na kainin ang ipinagbabawal na prutas ng Panginoon, sa hardin ng Eden.
Habang nasa tabi niya si Lucifer ngayon at pilit na itinitimo sa isip niya na hindi siya totoong mahal, at ginagamit lamang siya ng nobyo para sa makamundo nitong pagnanasa, ay parang nais nang panghinaan ng loob ni Zia.
Nasa harapan niya, at ipinakikita sa kanya ni Lucifer ang mga pangyayari ng nakalipas. Naririnig mismo ng kanyang sariling mga tainga, at nasasaksihan ng kanyang mga mata, ang ibang katauhan ni Lucian, na kailanman ay hindi nito ipinakilala sa kanya.
Ngunit iba ang sinasabi ng puso niya.
Iba ang isinisigaw niyon.
Nagtutumining din sa kanyang isipan ang mga katagang sinabi sa kanya ni Lucero, nang mga panahong iniha
