Kanina pa ako ginigising ni Arella pero hinahayaan ko lang siya hanggang sa mapagod ito. Gusto ko pa kasing matulog. Narinig ko nga kanina na ginising ako ni mommy pero nakatulog na lang ako ulit dahil sa pagod na nararamdaman ko. Parang lahat kasi ng pagod na dapat naramdaman ko noong nagti-training ako ay sabay-sabay kong naramdaman ngayon. Ang sakit din ng buong katawan ko. Hindi rin kasi naging biro iyong ginawa ko.
"Aish! Ano ba? 30 minutes na akong nandito pero ayaw mong gumising! Mali-late ka na sa pagsusulit mo ngayon! Gumising ka na kasi!” Sigaw naman nito habang hinahampas na ako ng unan.
Umungol lang ako sa ginawa niya pero kalaunan ay nakatulog na naman ako.
"Venger, please? Huwag muna ngayon. Alam mo naman, diba?" sabi ko nang may humaplos sa buhok ko.
"It’s al
