CAROLINE
Hindi ako mapakali dahil sa sinabi ni Evelyn. Kung hindi lang dumating si Carmina ay baka nasakal ko na naman ang babaeng ’yon. Sinapian na ng kabaliwan. Ano ba ang mayroon sa mga tao rito at paiba-iba ang ugali?
Ngayon pa lang ay humihingi na ako ng tawad sa yumaong si Olivia dahil sa posibleng magawa ko sa pinakamamahal niyang apo. Masyadong nakaiinit ng ulo. Hindi na lang ako diretsuhin.
“Oh, Caroline! Okay ka na ba? Magpahinga ka muna!”
Napalingon ako kay Celeste na mabilis na lumapit sa akin nang makita ako. Hindi ko na nagawang magpahinga, pakiramdam ko ay nasasakal ako sa loob ng silid na ’yon. Inayos ko muna ang suot kong uniporme. Mabuti na lang talaga at tatlong pares ng damit pangkatulong ang ibinigay sa amin. Puwede naman kaming mag-request ng bago pero huwag na l
