Nasa Meiopdiod Iallagant University na sila. Nagsisimula na ring magshooting sila Ray kasama ang co-star nitong si Pauline. Napaka-overly chummy ng babae at napaka-touchy rin. Halos naiilang nga si Ray kapag kaharap ang babaeng ‘yun. Mapaghahalataan kasing may gusto ito sa amo ni Ruth.
Sina Ruth at Steffan naman ay parang guwardiya na nakaabang sa may gilid ng tent posts dahil marami sa mga estudyante ang mapangahas na gustong pumasok at gumalaw ng mga gamit ni Ray. Kaya dahil dito, napagpasyahan ni Steffan na bumili ng high-end luxury recreational van na pwedeng makapagluto at makapagpahinga si Ray sa loob na walang disturbong iniintindi. Kaya lang, isang linggo pa raw darating yun dahil wala pa raw shipment ang malalaking cargo vessels. Sa Australia pa kasi binili ni Steffan ‘yun.
