Ang Diwata Ng Kalikasan
Nang malaman ni Bathalon sa ilang panauhin na dumating sa ika-21 na kaarawan ng Hari ng Dagat ng Ayisa na nakaligtaang imbitahan (o marahil ay sinadya?) ang kapatid ng Diwatang Tamuneneng, ang Diwata ng Kalikasan, bago lumisan sa kaharian ng Ayisa ang bugtong na anak ng Poong Diyos ng Dagat ay binulungan muna nito ang hari.
Paglisan ni Bathalon ay agad inutusan si Heneral Palikpik-Tainga na tumungo sa Tangrib ng Kalayaan kung saan naglalagi ang naturang kapatid ni Diwatang Tameneng.
Magkapatid ang Diwatang Tamuneneng at ang Diwata ng Kalikasan. Subalit mayroon silang pangunahing pag-uugali na tila kabaligtaran ng isa’t isa. Kung ang kahiligan ng orakulo’t babaylan ng Ayisa na Diwatang Tamuneneng ay ang pagtula, ang kapansin-pansing pag-uugali naman ng Diwata ng K
