Sa park bench sa kakahuyan ng night class naroon si Raven. Iniisip niya kung gaano kamukhang anghel si Shina habang natutulog. Napakaganda nitong tingnan sa ganoong hitsura.
“Master,”
Nilingon ni Raven si Cale, ang isa sa night class na kanyang pinagkakatiwalaan.
“May nalaman ako sa café,no’ng nakaraan ay wala akong nakuhang impormasyon sa manager pero mukhang napatahimik na siya kaagad ni master Miguel.”
Nakuha no’n ang interes ni Raven.
“Pumunta siya roon at kinuhang espesyal na tagasilbi sa kanya si Shina Fujiwara, may CCTV ang naturang private room at wala naman siyang naging kakaibang kilos.”
Kahit pa sabihin na walang ginawa si Miguel, ang kaalaman na kanang-kamay ito ni Gabriel ay sapat na para mangamba siya, lalo at ang paglapit nito kay Shina ay nangangahulugang may nalalama
