Chapter 21
Nasa ilalim ng buhos ng tubig mula sa dutsa si Raven. Kung kasama niya si Shina, parang ang positibo ng lahat, para siyang nasa isang panaginip, parang nakalilimutan niya ang realidad. Pero kapag wala na ito, para naman siyang nagigising sa isang mahabang panaginip at matatauhan na hindi naman ganoon kadali ang sitwasyon nila.
“Walang sino man ang tatanggap sa ‘yo!”
Nagngitngit si Raven nang marinig ang histerikal na boses ni Gabriel.
Pinatay na niya ang shower at tinapos na ang paliligo kinuha niya ang bathrobe sa kabilang parte ng shower room saka lumabas at naupo sa gilid ng couch. Kahit pa malayo na siya kay Gabriel at hindi na nakatira sa Nightray Mansion isa pa rin siyang Nightray at ang kapalaran niya ay higit na mas malala higit s
