Lagpas alas diyes ng umaga nang matapos ang check-up ko. Binigyan ako ng doktor ng reseta at mga vitamin para sa amin ni baby. Pinayuhan niya ako na alagaan ang sarili. Malamang ay napansin niya ang pamumutla ko. Ni-refer din niya ako sa isang nutritionist para daw mabigyan ako ng payo sa mga dapat at hindi dapat kainin ng isang buntis.
Nakangiti akong lumabas ng ospital. Maayos naman ang pakiramdam ko simula kaninang umaga kaya hindi na ako nagpasama pa kay Jinky. Ang alam kasi ni Drew ay sasamahan ako ni Jinky kaya pumayag siya na pumasok sa opisina dahil nga may emergency meeting sa kompanya.
Maliwalas ang panahon. Hindi umuulan at hindi rin naman masyadong mainint. Sakto lang. Ganito ang klase ng panahon kung saan nakakaengganyo maglalad at maglibot kung saan-saan dahil hindi mainit
