"I'm sorry sa inasal ng apo ko, hija," nakangiting saad sa akin ni Tita Elvira.
"Okay lang po iyon, tita," tugon ko. "Gano'n po talaga ang mga bata."
"Anyway, hija, paano kayo nagkakilala ng apo ko?" Nakatingin siya kay Maxine na ngayon ay hatak-hatak ang kamay ni Ree. Papunta sila sa harap kung saan naka-display ang iba't-ibang klase ng cake.
"Dito po mismo sa mall. Nabunggo niya ako nang papasok kami ni Ree. Napakabibo niyang bata." Hindi ko maitago ang ngiti sa aking labi.
"She's always been talking about you," narinig kong saad niya habang nakatingin kaming dalawa kay Maxine. "Now I know why she likes you that much."
Napatingin ako sa mukha niya. Nagtaka ako nang mapansing titig na titig siya sa aking mukha. Wala akong mababanaag na inis o galit sa mukha niya. Ang naroon lang ay
