Nakatungo at naka-upo si Stella sa pang-isahan na upuan. Patuloy pa rin sa pagbuhos ang mga luha niya habang hawak-hawak ang litrato ni Ria. Ang nawawalang kakambal ni Ray na matagal niya nang hinahanap.
Buong akala niya ay hindi na ito mahahananap. Ginawa nila ni James ang lahat ngunit nabigo sila. Ngunit hindi niya lubos akalain na ang taong tumangay sa mahal niyang anak ay kasa-kasama niya lamang pala sa iisang bahay.
Bakit hindi man lang niya napansin na may kinalaman si Martha sa lahat ng mga nangyari?
Hindi niya mapigilan na patuloy pa rin na sisihin ang sarili dahil hinayaan niyang tangayin siya ng kan'yang emosyon. Unti-unting bumalik sa kan'yang alala ang mga naganap labing-limang taon na ang nakararaan.
Pasado ala-una na nang madaling araw naka-uwi ang mag-asawang James at M
