Kinakabahan si Hazel habang bumababa ng bus. Kaagad siyang umuwi pagkatapos niyang makapag-file ng leave. Kaunting gamit lang din ang dala niya at marami naman siyang damit sa kanila. Kasalukuyan na siyang nasa bayan nila ngunit sa halip na umuwi sa kanilang bahay ay sa hospital siya tumuloy dahil nalaman niya ang nangyari sa matalik na kaibigan. Hindi niya alam kung papaano haharapin si Mira ngunit handa siyang tanggapin ang mga sasabihin nito. Mahal niya ang kaibigan at marami na silang mga pagsubok na pinagdaanan nito sa buhay at hindi niya iyon hahayaan na masayang.
Bumili muna siya ng isang basket ng iba't-ibang klase ng prutas para kay Mira.
"Miss, ano ho ang room number ni Miranda Gomez?" tanong niya sa nurse na nasa information.
"Kaanu-ano niya ho kayo, Ma'am?" magalang na ta
