"Sino ang nakausap mo?" tanong ni Mira kay Nick nang maibaba na nito ang cellphone.
"Ang pinsan ko. Nag-aayang uminom at kakauwi lang galing States," tugon nito sa kaniya pero hindi binanggit ang pangalan. Ngunit hindi na siya nag-usisa pa dahil sa personal na buhay na iyon ng kaibigan.
"Okay! Buti naman at hindi mo sinabi kung nasaan ka."
"Of course! Narinig mo naman ang sagot ko 'di ba? It's highly confidential kaya," sabi pa ni Nick sa kaniya.
"Good!" aniya sabay thumbs up dito.
Kasalukuyan silang nagluluto ng hapunan at sakto naman ang pagdating ng kaniyang mga magulang galing sa sakahan.
"Kumusta ang lakad niyo, anak?" tanong ng kaniyang itay pagkatapos niyang magmano rito.
"Okay naman po. May nakita na po kaming puwesto at pinapahanda ko na po ang kontrata. Sa susunod po
