Pagkagaling sa opisina ni Jake ay dumiretso si Gabriel Del Gallego sa kaniyang opisina. Pabalibag niyang isinara ang pintuan. Niluwagan niya ang suot na neck tie dahil pakiramdam niya ay nahihirapan na siyang huminga sa galit na nararamdaman niya kay Jake. Nadatnan niya roon si Atty. Alcantara na naghihintay sa kaniya.
"Paano nangyari ito, ha? Paano tayo nalusutan ng gag*ng 'yon?" galit na tanong ni Gabriel sa abogado.
"Ilan sa ating mga shareholders ang nagbenta ng kanilang mga shares. Ang nakakapagtaka ay hindi man lang natin natunugan," sabi ni Atty. Alcantara na naiiling pa.
"Sigurado ka bang ginagawa mong mabuti ang trabaho mo?"
"Yes, Sir! Dinagdagan ko na rin ho ang tao na nagmo-monitor sa mga shares."
Naglakad-lakad siya habang nag-iisip. Iniisip niya kung paniniwalaan ba ni
