Hindi na nagpatumpik-tumpik pa si Toneth. Matapos ang emergency meeting ay mabilis siyang nagtungo sa kuwarto ng kaniyang pasyente. Naabutan niyang gising pa ang mga ito at nakita niyang nagtatrabaho pa din ang kanyang pasyente.
“Dr. Toneth!” sabi ng asawa nito.
“I see. Hindi ka pa din mapipigilan sa thesis mo,” sabi niya. Ngumiti ng alanganin si Cerces sa kanya.
“Kailangan eh. Sa Saturday na ang conference. I need to finish this,” sabi nito sa kanya. Hinila niya ang isang stool at naupo sa dulo ng kama nito. Idinekuwatro pa niya ang kanyang mga binti at humalukipkip.
“Kahit pa buhay ang kapalit? Itutuloy mo pa din iyan?” tanong niya. Napatigil si Cerces sa pagtipa sa kanyang laptop. Nagkatinginan ang mag-asawa bago muling tumingin sa kanya. “I will stop beating around the bush. Cerc
