"Bukas gawa na ang iyong clinic, anak! Ngayon na bale ang huling araw ng trabaho nila," sabi ni Nestor habang nagkakape sila.
"Oo nga po, magaling ang nakuha ninyong manggagawa. Si Clara tutal magtatapos na s'ya, pansamantala ay s'ya na muna ang gagawin kong sekretarya sa pagbubukas ng clinic." Pagpapaalam ni Miguel sa mga magulang.
"Mabuti iyon para may alam naman s'yang ibang gawin at kahit papaano ay mapakinabangan n'ya ang pagtatapos n'ya ng Accountancy sa kolehiyo." Pagpayag ng dalawang matanda.
"Oo nga naman, saka temporary lang naman dahil kung kailangan na n'ya maghanap ng mapapasukan pagkakuha n'ya ng mga school requirements n'ya ay walang problema sa akin. Madali lang maghanap ng papalit sa kanya," paliwanag ng binata.
"Sa susunod na araw na pala ang balik ko sa Laguna d
