Tulog pa si Miguel habang ang mga kasama sa bahay ay abala na sa pagbaba ng mga kagamitan. Si Leo na ang kahalili n'ya. Nakita ng mga ito ang nagawa n'ya kagabi dahil nakakalat pa ang mga naibaba n'yang bagahe galing America at Laguna.
"Ano'ng oras ba nakatulog si Miguel?" tanong ni Claudia na hindi muna nag-abala na gisingin ang anak dahil sa itsura nito ay masasabi na pagod nga ito.
"Hindi ko rin alam pero halatang napuyat at napagod eh. Tingnan mo ba naman gaano karami ang mga gamit na naipasok na n'ya sa loob ng bahay." Sagot ng asawang si Nestor habang palabas pa ng bahay upang tuloy ang paghahakot.
"Saglit na lang at magpahinga na muna kayo upang makapag-almusal," bilin ni Claudia.
Alas dyes ng tanghali nakabangon si Miguel at naalala ang mga dapat n'yang gawin. Sumilip s'ya
