Chapter 54
Danica
Ilang sigundo pa kami nagkatinginan bago ako muling nagsalita kay Alp.
''Wala kang kuwenta! Antipatiko ka! Sinira mo ang buhay ko! Makasarili ka! Babaero ka! Mula nang dumating ka sa buhay ko ay sinira mo ang mga pangarap ko! Nagsisi ako kung bakit sa dinami-dami ng tao sa mundo ikaw pa ang naging Tatay ng anak ko!'' wika ko sa kaniya at hindi ko na mapigilan ang aking sarili na maipalabas ang sama ng loob ko sa kaniya.
Hindi naman nagbago ang reaksyon ng mukha niya bagkus ay pinapakinggan niya lang ang sinasabi ko sa kaniya.
''Iyan lang ba ang sasabihin mo sa akin, Danica?"seryoso niyang tanong sa akin.
''Oo, 'yon lang!'' sagot ko at iniwas ang mata ko sa mga mata niya na parang tagos sa kaluluwa ko ang klase ng pagtingin niya.
''Ngayon, puwede na ba ako magsalita
