“KAHAPON nag-text siya sa’kin, nangamusta. Ni-reply ko pero nung ako na ‘yung nagtanong, hindi na nag-reply. Bakit?” halos pasigaw na sabi at tanong ni Luigi. Salubong nito ang mga kilay at nakahawak ang hintuturo at hinlalato sa ilalim ng kanang tainga.
Naroon sina Charlyn at Lester sa workplace ni Luigi— sa isang highway na inaayos sa bandang Fairview doon sa Quezon City kung kaya’t maingay ang mga makina na ginagamit sa kalsada at pati ang mga kasamahan ng binata. Maalikabok doon at tirik na tirik ang araw dahil tanghaling tapat. Doon kasi nagtatrabaho ang binata bilang Road Engineer, suot nito ang complete uniform— magmula sa safety hat hanggang sa protective boots.
“Ah, ga’nun ba? Pasensya ka na Luj, naabala ka pa namin!” halos pasigaw niya ring sabi.
Tumingin si Luigi sa mga kasam
