“OH, anak? Kumpleto na ba lahat ng mga documents at gamit mo? I-check mo ulit, ha? Para wala ka nang maging problema dahil anytime ang flight mo.”
“Oo na po, Ma. Actually po two months bago sana ‘yung departure ko handa na talaga lahat-lahat. Kulang na lang sumakay ako ng eroplano,” sagot ni Charlyn sa kabilang linya ng cellphone. Naroon siya sa kitchen ng kanyang condo at nagsalin ng ikalawang tasa ng kapeng barako.
“Naku, i-check mo ulit! Huwag kang pakasiguro! Baka mamaya nyan excited na akong dumating ka pero ma-deport ka?”
“Deport agad, mama? Wala naman akong gagawing ilegal dyan,” aniyang tumawa ng bahagya at tumalikod sa counter at sumandal doon. Humigop siya ng kape bago nagsalitang muli. “Mama, hindi na ako tulad ng dati na laging nakakalimot sa kung ano man ang dapat asikasuh
