“ALAM nyo po, Ate Lyn. Gusto ko na rin po magkaroon ng mama at papa. Mukhang nakaka-excite po kasi si Ate Yuri umalis na,” sabi ni Arya kay Charlyn.
“Arya, darating ang time na magkakaroon ka ng mama at papa. Huwag kang mag-alala dahil ibibigay iyon ni God sa tamang panahon. Basta, laging manalangin, ha?” malambing na sabi ni Charlyn. Tinatali niya ang maikling buhok ni Arya at kinakabitan ito ng makukulay na ipit. Naroon sila sa malaking acacia tree sa backyard garden ng SBO. Alas tres y media na ng hapon at tapos na ang siesta time ng mga bata kaya naglalaro na ang mga ito. Ang iba ay nasa front yard, ang iba ay nasa playground sa loob, at ang iba ay piniling magbasa sa library, lalo na ang mga nakatatanda.
“Pero, ayaw ko rin po umalis dito. Kayo na po ang gusto kong maging family for
