NAPANGIWI si Charlyn nang marahang magmulat ng mga mata, biglaan kasi ang pagsakit ng kanyang ulo na animo pumipintig ang kabuuan niyon. Dahan-dahan siyang naupo at sinalat ang ulo sabay ang pag-ungol, ang bigat niyon at parang mababali ang kanya leeg. Ano ba ang nangyari sa kanya? Pupungas-pungas ang mga mata, marahan niyang inalis ang kumot sa kandungan at tumayo bago mabagal na naglakad papuntang kusina dahil nakaramdam siya ng matinding panunuyo ng lalamunan, ngunit wala pa sa ikalimang hakbang ay bigla siyang natigilan.
“What the—” sa laglag ang panga at nanlalaki ang mga mata, iginala niya ang paningin sa paligid. Black and white ang muebles, display at pintura ng paligid. Kaninong bahay ito?!
“Hi! Good morning. Gising ka na pala?”
Kamuntik nang mapatalon si Charlyn dahil sa gulat
