NANG MAWALA sa paningin ni Dana si Dave ay bumalik na siya sa loob ng suite. Nakahawak siya sa kanyang dibdib nang dumiretso siya sa kuwarto. Sumilip siya sa bintana habang pinapakalma ang kanyang sarili.
Napansin niya lahat ng mga naglalakad na guest ay nakasuot ng bathing suit at swimming trunks. Napailing na lang siya nang buksan niya ang kanyang backpack. Inilabas niya ang kanyang mga gamit at inayos ang mga ito.
Naisip ni Dana na dapat ay mailagay niya sa hanger ang kanyang bestida na isusuot niya bukas sa kanilang pag-uwi para hindi ito magusot. Binuksan niya ang closet para maghanap ng hanger. Ngunit laking gulat niya nang makita kung ano ang laman nito.
Kumurap siya ng ilang beses sa pag-aakalang nililinlang siya ng kanyang paningin. Ngunit walang nagbago sa nakita niya. Ang cl
