“TANDAAN mo ang sinabi ko, ha? Kahit anong sabihin sa iyo nina Mama at Papa, huwag kang papayag na paghiwalayin nila tayo,” bilin ni Dave. Nandito sila ngayon sa bahay ng mga magulang ng nobyo. Isinama siya nito para maipakilala sa mga magulang nito. Ngayon ay kabababa nila ng sasakyan. Sa pagkakataong ito ay ginamit nila ang kotseng pagmamay-ari ng binata, ang Ford Mustang, na sa unang tingin pa lang ng dalaga ay nalulula na siya. Mahigit tatlong milyon ba naman ang presyo!
“Oo na. Pang-ilang beses mo na bang sinabi sa akin iyan. Malapit na akong mapika sa iyo,” biro niya rito.
“I’m sorry, bhabe. Nagpapaalala lang ako. Mahirap na baka kapag may hindi nagustuhan sina Mama sa iyo. Pipilitin ka nilang makipaghiwalay sa akin. I’m warning you, Mama can be very persuasive.”
Napaismid ang dal
