KABANATA 44
“Bakit naman ho maraming mga taong nagalit kay pa- I mean, sa pinaka may-ari ng dating Ferrer Holding?” Dahan-dahan kong tanong sa kaniya, hindi ko maipaliwanag ang nararamdaman ko pero bigla akong natakot.
Sensitibong kaso ‘yon, sensitibong bagay para kay Kael dahil gaya ng sinabi niya sa ‘kin no’ng nakapag-usap kami sa harap ng puntod ng kaniyang tatay hindi naging patas at maayos ang pagkakabigay ng hustisya sa kaso.
“Huy, ano ka ba, ano sinasabi mo riyan?” Pagsingit noong isa sa mas bata sa kausap kong staff. Nag-angat siya ng tingin sa ‘kin saka nahihiyang ngumiti. “Hello po, ma’am... naririnig ko po kasi usapan ninyo, nandito lang po ako sa likuran.”
Maiksing ngumiti ako pabalik.
“Hindi ba ‘yung pinaka may-ari talaga ng Ferrer Holdings?” Dinig kong bulong noong kau
