NAIRAOS ko naman nang pulido ang aking presentation at kahit papaano'y naging presentable rin ako sa kanilang harapan. Salamat sa pabango at sa make-up. Nakasisiguro ako na hindi ko na talaga gagawin pa ulit ang bagay na ito—ang kahiya-hiyang pangyayaring ito.
Sa ilang taon kong pagtatrabaho, ngayon ko lamang nagawa ang ganitong klaseng bagay to think na haharap ako sa mga top managers. Hindi na ako magpapa-scam sa mga kaibigan ko lalo na't wala rin akong tiwala sa sarili ko kapag nalalasing.
“Ilang beses mo na bang sinabi iyan, Nika?”
Bahagya pa akong natawa sa aking sarili nang marinig ang tinig ni Dake sa aking isipan. Alam ko kasi na kung nandito ang lalaking iyon, paniguradong iyan ang eksaktong sasabihin niya sa akin. Ipinilig ko ang aking ulo para naman maiwaksi sa isipan ito. Mu
