“MA'AM, kailangan pa ho ba ito?”
"Nika, ayos lang ba kung ganito ang settings?"
"Ma'am Nika, dapat ba nakabukas ang butones ni Sir Lander o half-naked na lang?"
"Need pa ho ba ng additional props, Ma'am?"
Nakapangalumbaba ako habang nakaupo rito sa isang tabi na kung saan tanaw mula sa puwesto kong ito ang set-up na gagamitin namin para mamaya. Habang sila nama'y nag-aasikaso na para sa first day shooting namin.
Nagkaroon na kami nang maayos at pulidong plano para sa mga gagawing hakbang sa advertisement. Marami kaming mga bagay na napagkasunduan at masasabi kong hindi ako nag-iisa. We all know that some of our colleagues will just keep nodding their head as if they are into you, but the truth is they have nothing on their head. Sometimes, agreeing to a certain discussion means being
