AT ganoon na nga ang nangyari, pumayag na ako sa pagtulong kay John Marc sa paghahanap ng kaluluwa ng namatay nitong girlfriend na si Ella Javier, kapalit niyon ay ang pangako niyang limang milyon. Mukha naman na may ganoon siya kalaking pera. Mayamanin siyang tingnan. Mestiso, walang pores at ang damit ay mamahalin. Alam ko iyon.
Pero grabe lang talaga ang love story nila ni Ella, ha. Napaka-tragic naman. I thought sa mga movies at teleserye lang nangyayari ang mga ganoong eksena. Pari rin pala sa real life!
“Teka, paano ko malalaman kung si Ella na ang multong makikita ko? Anong hitsura niya?” tanong ko kay John Marc, nasa park pa rin kami.
Isang picture ang ibinigay niya sa akin na kinuha niya sa bulsa ng kanyang pantalon. Kinuha ko iyon at tiningnan. In all fairness, maganda si Ella
