Chapter 13
Venice
-
"Hayop ka! Ang sama-sama ng ugali mo!" singhal ko rito na hindi matapos-tapos ang pag-iyak ko.
Naisahan na naman ako ng walang hiyang Leo na ito, isa talaga siyang tuso. Sa lahat ng tao sa mundo, siya lang talaga iyong kaisa-isahang pinakasusumpa ko. Literal na gusto ko siyang kulamin, o ipabarang.
Ang kapal-kapal ng mukha niya, masyado ba siyang natutuwa na naaasar ako? Tuwang-tuwa ba ito sa katotohanang wala akong ibang mapagpilian kung 'di ang um-oo? Kasi alam niyang wala naman akong magagawa.
This is a f*cking reverse plan. Ako iyong nagplano kagabi, pero siya iyong nakikinabang ngayon. Siya iyong may alas na hawak ngayon, imbes na ako sana laban kay Warren. At paano ko ba siya tatanggihan, huh?
Kapag umayaw ako, plano niyang ipagkalat ang nangyari sa amin at
