Chapter 26
Venice
-
Nang magising ako kinabukasan ay pasado alas onse na ng umaga, masyado nang late para pumasok pa. Kung kaya ay nagpasya na rin akong um-absent na lang muna dahil hindi ko rin naman alam kung paano ako makakapasok.
Nawala na sa akin ang lahat. Wala pa iyong cellphone ko, kaya hindi ko magawang makapagpaalam man lang kahit kay Courtney. Pero sa isiping close na sila ni Jacky ay agaran akong napabangon mula sa pagkakahiga ko.
Sandali pa akong nag-inat ng kamay sa hangin, kapagkuwan ay nagpalinga-linga sa paligid. Dala ng pagkaantok kagabi ay hindi ko na masyadong napagtuunan ng pansin ang kinaroroonan kong guest room.
Malaki iyon, doble ang laki sa kwarto ko sa bahay. Pwede ko na itong ikumpara sa master bed's room na may king size bed. Pinaghalong puti at vintage an
