“OH, my God! Ang guwapo talaga niya!” kilig na kilig na tili ni Celine at napatigil pa talaga sa pag-aayos ng mga pabango na ikinagulat ni Jianna. ‘Buti na lang at walang ibang tao roon kaya siya lang ang nagulat.
“Sinong artista na naman ba ‘yang nakita mo at para kang maiihi diyan?” walang kagana-gana na tanong ni Jianna.
Inaantok kasi siya. Kanina pa nga ang panay hikab niya. Puyat na puyat kasi siya kagabi dahil sa mga nangyari. Hindi kinaya ng kape ang antok niya pero kailangan pa rin niyang pumasok.
Hindi na lang para sa sahod at performance niya sa trabaho kundi para makitang muli ang boss niya. Buo na ang desisyon ni Jianna na sabihin dito ang tungkol kay Gale. Ilang beses niya iyong pinag-isipan kagabi kaya lalo siyang napuyat.
“Sino pa? Eh, ‘di ang admirer mo,” sagot ni Celi
