“BYE, anak. Miss na miss na rin kayo ni Nanay. Good girl lang kayo diyan kay Nanny, ha?” malambing na wika ni Jianna kay Gale nang tumawag siya sa mga anak. “I love you.”
“I love you din po, Nanay. Ingat po kayo palagi diyan,” malambing din na sagot ni Gale mula sa kabilang linya.
Sinabi lang niya na may mahalagang inaasikaso pa siya sa New York kaya hindi pa siya umuuwi.
Masaya si Jianna na nakausap na naman niya ang mga anak at nalamang maayos lang ang kalagayan ng mga ito. Ngunit nadagdagan lang ang kaniyang sama ng loob kay Marsean nang malaman niyang hindi naman talaga ito tumawag noon para kumustahin ang mga bata. Si Gale daw talaga ang unang tumawag dahil miss na miss na nito ang kinikilalang ama.
At hanggang sa mga oras na iyon daw ay hindi pa rin ito tumatawag sa bahay nila.
