Pasado alas-singko. Napakain na ng mag-amang Kanor at Wendell ang mga baboy, kalabaw at manok, at ngayo'y naghahanda na sila ng makakain sa hapunan. Nagdagdag ng takal sa sasaingin at extrang katay ng manok na uulamin para kina Father Markus at Brother Paul. Namaalam muna sina SP04 Rosales at P02 Casas at babalik na lang daw nang maaga kinabukasan, sa pahintulot na rin ni Hepe na nasa Anlunan Residence pa sa sandaling iyon.
Nagising saglit si Berta at nilinis ni Kanor ang mga sugat nito hanggang makatulog muli ang bata.
Lumabas ng kubo si Father Markus para manigarilyo at inabutan si Brother Paul na kakatapos lang na makipagusap sa cellphone, at ito'y lumapit sa kanya.
"Kausap ko si Father Gilberto," sabi ni Brother Paul. "Naghahanda na daw sila para sa libing ni Father Dacayman."
Tuma
