"Okay, so one, isa siyang seraphim," sabi ni Jules habang hawak ang kanyang notepad. "Two, hindi siya si Lucifer, sana naman, 'di ba?"
"Hindi rin siya si Beelzebub," sabi ni Hannah.
"Sa awa ng Diyos, hindi rin siya si Asmodeus," dagdag ni Jules, sabay ng pag-cross out niya sa listahan ng mga pangalan na nabanggit. "That leaves us, according sa list ni Michaelis, anim pa na seraphims. Well, kahit sino pa sa mga seraphims, basically, game over na ito!"
Dismayadong hinagis ni Jules ang notepad niya sa mesa.
"Michaelis?" tanong ni Hepe, na kasama nila sa mesa.
Nasa isang maliit sila na restaurant sa bayan na nagse-serve ng lutong-bahay na pagkain. May anim na tables na kalahating okupado. Maga-alas sais na nang umalis sila sa bahay ni Kanor, dumaan muna ang tatlo sa motel bago naglakad tu
