GIGIL NA GIGIL si Roxanne. Mabilis na umalis siya roon at hindi na hinintay ang mga ito matapos sa paghahalikan.
Tumakbo siya ng tumakbo. Palayo roon. Hindi niya alam, pero naninikip ang dibdib niya. Hirap na hirap siya huminga at pakiramdam niya ay nasasakal siya. Huli na nang marealize niyang may pumapatak na luha sa kanyang mga mata.
Teka, bakit umiiyak siya?
Dinama niya ang pisngi at nalamang totoo ngang umiiyak siya!
Pero bakit?
Apektado ba siya sa nakita niya?
Hindi ba't ginagawa niya ito dahil gusto niyang maghiganti kay Giuseppe? Bakit tila ngayon nasasaktan siya? Hindi pagkukunwari ang sakit na naramdaman niya.
Huminga siya nang malalim at napahawak sa isang puno roon. "No, Roxanne... hindi mo pwedeng maramdaman 'yan. Lahat ng ito ay isa lamang pagkukunwari. Paghihiganti.
